AS PLANTAS INVASORAS EN GALICIA, 4º E 5º PRIMARIA

 🌿 As invasoras tamén teñen o seu aquel! 🌸

A rapazada de 4º e 5º de Primaria participou nestes días nuns obradoiros moi especiais sobre as plantas invasoras en Galicia, organizados pola asociación AMABUL dentro do programa Aula Ambiental Ulla+25. 🌱

🌱 Que é AMABUL?

A Asociación AMABUL (Asociación para a Mellora Ambiental e da Biodiversidade Ulla) é unha entidade sen ánimo de lucro que traballa para protexer e conservar o medio ambiente, promovendo o coñecemento e respecto pola biodiversidade a través de programas educativos e accións participativas.

Os obradoiros comezaron cunha visita guiada pola exposición “Wood Wide Web”, onde puideron descubrir os segredos do bosque e como as árbores se comunican entre si 🌳 (si, si, falan... á súa maneira!). Despois, a diversión continuou con xogos adaptados á súa idade, para aprender de forma lúdica e participativa por que é tan importante coñecer as plantas invasoras que temos tan preto.

E é que... 😮 moitas delas están tan presentes na nosa contorna que xa pensamos que son galegas de toda a vida! Pero non! 🌍
Algunhas das máis coñecidas son:

• 🌸 A herba da pampa (Cortaderia selloana), esa planta enorme con penachos brancos que vemos polas beiras das estradas.

• 🌿 A acacia negra (Acacia melanoxylon), que medra rapidísimo e despraza as árbores autóctonas.

• 🌺 A uña de gato (Carpobrotus edulis), moi típica nas zonas costeiras, que forma alfombras e non deixa espazo ás outras especies.

A actividade rematou por todo o alto 💥, xa que os grupos do último obradoiro tiveron a sorte de contar cunha parella maior encantadora, que compartiu con nós lembranzas de cando eran novos, contándonos que plantas había antes e para que as empregaban. 🌾 Foi unha experiencia interxeracional preciosa, chea de aprendizaxe, historias e emocións 🥰.

👉 Podedes clicar na imaxe e desfrutar co vídeo resumo da actividade.
Non vos perdades esta aventura verde! 💚

UN OUTONO XAPONÉS, 6º INFANTIL

 🍂✨ Un paseo polo outono xaponés en Framil! 🇯🇵🌳

O pasado 15 de outubro, a rapazada de 6º de Infantil viaxou (sen avión!) ata o lonxano Oriente para descubrir a cultura nipona do “Momiji” 🍁, que celebra a beleza das follas de outono.

E sabedes onde? 😍
👉 Na incrible plantación de arces que teñen Ana e Tucho en Framil (Ames), con máis dun centenar de exemplares de vintetrés variedades de arces xaponeses!

🌈 Estas árbores teñen unha maxia especial: no outono vístense de vermello, amarelo e verde, creando un arco da vella de cores que nos deixou coa boca aberta 😮

🐾 Unha visita con moito agarimo

Ana e Tucho, acompañados pola súa simpática cadeliña Luci 🐶, ensináronnos con moita paciencia este recuncho tan fermoso e deixáronnos merendar entre arces, descansar na hamaca 💤 e gozar dunha xornada chea de risas e natureza.

☀️ O sol acompañounos e fixo que o día fose aínda máis especial.

🌱 Un agasallo cheo de vida

Como se fose pouco, Ana e Tucho regaláronnos un pequeno arce a cada un e para cada unha 🌳💚
Prometemos coidalos con moito mimo para que medren tanto coma os do seu bosque.

📸 Querédelo ver?

Pois clicade na imaxe e desfrutade con nós dun pequeno anaco deste día de outono nun bosque xaponés galego 🍁🇯🇵

🧡 Grazas Ana, Tucho e Luci por facernos viaxar tan lonxe sen saír de Ames! 🌍

O OUTONO CHEGOU...

 

🌰🍁 O outono chegou… e coas mans na masa! 🌽🍎

O alumnado de 6º de Infantil recibiu a chegada do outono cunha chea de actividades superdivertidas! Trouxeron froitos típicos da estación como mazás, castañas e noces, e tamén follas de cores preciosas: amarelas, vermellas, laranxas… cada unha diferente, non había ningunha igual! 🍂✨

👀 Observamos e descubrimos

Primeiro miraron, tocaron e compararon todo o que trouxeron. Aprenderon a observar as formas e cores e fixéronse uns auténticos científicos do outono! 🧐

🌽 A maxia das espigas de millo

Coas espigas de millo, descubriron como se traballaba nas casas antigamente. Primeiro esfollaron, logo debullaron o millo, ¡que divertido! 😄 E quedaron abraiados coa variedade de cores: non todo é amarelo, tamén hai millo negro, vermello e laranxa. Cada espiga era diferente, como unha obra de arte da natureza. 🎨

🥣 Mans na masa: boliños de millo

O millo que debullaron leváronno a moer e, coa fariña, fixeron deliciosos boliños de pan de millo. Amasaron, e despois de moito traballar gozaron co pan de millo acompañado de marmelo. ¡Unha auténtica festa para os sentidos! 😋💛

Se queres ver como desfrutaron descubrindo as cores do outono e facendo os boliños de millo , clica na imaxe e visiona o vídeo.

OBRADOIROS MICOLÓXICOS

 

🍄 Descubrindo o fascinante mundo dos cogomelos con AMABUL!

O alumnado de 3º e 6º de Primaria do colexio Agro do Muiño viviu unha xornada moi especial grazas aos Obradoiros Micófilos organizados pola asociación AMABUL, dentro do programa Aula Ambiental Ulla+25 🌿.

Da man de Miriam, a experta que se achegou ao noso cole, descubrimos moitísimas curiosidades sobre os cogomelos que habitan nos montes galegos. Aprendemos que non todos son comestibles… pero todos son importantes para o equilibrio da natureza!

👉 Sabías que...

• Os fungos axudan a limpar o solo e a descompoñer restos orgánicos, converténdoos en nutrientes para as plantas 🌱.

• Moitos cogomelos crean redes subterráneas que conectan as raíces das árbores, permitindo que compartan auga e minerais entre elas 💧🌳 (é o que se coñece como a Wood Wide Web!).

• Ademais, colaboran a reter carbono e así axudan a frear o cambio climático 🌎💪.

Durante a xornada, o alumnado participou nunha visita guiada pola exposición “Wood Wide Web” e xogou a divertidos xogos adaptados ás diferentes idades, nos que aprenderon de maneira lúdica a importancia ecolóxica dos fungos.

Foron momentos de diversión, aprendizaxe e natureza, nos que tanto os pequenos como as pequenas descubriron que, aínda que ás veces pasen desapercibidos, os cogomelos son auténticos heroes do bosque 🍃🦸‍♂️🦸‍♀️

Estes obradoiros contaron coa financiación da Deputación da Coruña, e deixáronnos con ganas de seguir explorando os segredos que agocha o noso entorno natural.

🌾 Grazas, AMABUL e Miriam, por axudarnos a mirar o monte con outros ollos... e por ensinarnos que coidar o medio ambiente tamén pode ser moi divertido! 💚

🎥 Se clicades na seguinte imaxe, poderedes ver un vídeo de como desfrutou a nosa rapazada durante esta experiencia micolóxica! 👇

A DERRADEIRA COLLEITA DA RAPAZADA DE 3º C DE PRIMARIA

🧺 Última colleita con sabor a verán! 🌿😋

Chegaron as vacacións pero antes de marchar de cheo á praia, á aldea ou a facer bombas na piscina… a rapazada de 3ºC de Primaria puxo o punto e final ao curso cunha tarefa moi especial: a última colleita do noso horto! 🌱🥬🌼

Collimos perexil, leitugas e uns estupendos chícharos que deron moito que falar... e que sabían de marabilla! 😍

O máis curioso é que moitos dos nenos ou nenas non sabía como era unha planta de chícharo! 😲 Están tan acostumados a velos en bolsiñas conxeladas no súper que pensaban que saían así directamente! 😂 Esta semana tocou recoller os chícharos da nosa horta escolar, e a verdade é que a experiencia deu moito de si: traballo en equipo, aprendizaxe… ¡e unhas cantas risas!

Mentres iamos debullando os chícharos das vainas, a profe lanzou unha pregunta inocente:

– Que son os chícharos?

Houbo uns segundos de silencio, ata que un alumno respondeu, abrindo os ollos coma pratos:

– ¡Pero se son guisantes! 🤣

Claro, non sabían que en galego chamámoslles chícharos aos "guisantes". Foi unha desas descubertas que quedan para sempre!

Unha vez fóra das vainas, tocaba outra pregunta:

– A que saben os chícharos crus?

E alí, sen medo, probaron un… e soltaron:

– Saben a herba! 🤣

Queda claro que os nosos pequenos agricultores aínda teñen o padal pouco acostumado aos sabores da horta natural. Pero o importante é que experimentaron, aprenderon, probaron… e pasárono en grande!

A horta ensínanos moito máis que botánica: ensínanos a observar, descubrir, rir e compartir. E iso, coma os chícharos, sempre sabe mellor en compañía.

Foi un momento de risa compartida e de aprendizaxe real, desas que non se esquecen.

A rapazada de 3º C levan tempo traballando nesta horta: sementeira, replantación, sacha, arrincar herbas (que había para dar e tomar! 💪😅)... así que esta colleita ben merecida foi unha auténtica festa de sabor e satisfacción! 🎉🌿

Clica na imaxe e acomódate para gozar connosco desta experiencia tan verde e deliciosa! 📸💚
E lembra: a terra dá moito máis do que imaxinas… só hai que poñerlle amor, traballo e paciencia! 🌍✨

UNHA EXCURSIÓN EN BARCO, 6º INFANTIL

 ⚓🌊 A gran aventura mariña de 6º de Infantil! 🐬🦪🏴‍☠️

O curso está chegando ao seu fin… pero a cativada de 6º de Infantil non quería marchar sen vivir unha experiencia única! Así que o pasado martes 17 de xuño puxémonos en modo exploradores e… rumbo ao mar! 🧭🌞

A nosa excursión levounos ata o fermoso pobo mariñeiro de Combarro, onde nos esperaba unha actividade moi especial: un barco de visión submariña! 🛳️🔍

Dende o barco puidemos ver de preto aos arroaces (que son como os nosos golfiños galegos 🐬), e ata visitamos a misteriosa illa de Tambo, onde —contan as lendas— viviu un pirata! 🏴‍☠️ Subimos ao faro, onde a vista era espectacular!

Pero iso non foi todo… tamén fixemos unha parada nunha auténtica batea, onde observamos como medran os mexillóns, ostras e vieiras 🦪! As cordas cheas de vida mariña colgaban debaixo do barco, e grazas á visión submarina poidemos velas no fondo do mar... Foi fascinante! 😍🌊

A rapazada aprendeu un montón sobre o ecosistema mariño e desfrutou a tope vendo peixes, plantas acuáticas e todo o que se agocha baixo a auga.

Foi unha xornada chea de emoción, aprendizaxe e moito mar! 💙🌊 Un xeito perfecto de despedir o curso con sabor a aventura e salitre!

👉 Clica na imaxe e desfruta connosco desta experiencia inesquecible! 📸🎥

A RAPAZADA DE 5º DE PRIMARIA DESCUBREN OS POLINIZADORES

 🌼 Descubrindo os polinizadores!    🐝🦋🐞

Este curso está a piques de rematar… pero en 5º de Primaria non queremos marchar sen antes vivir unha última aventura na natureza! 🌱💚 Por iso, organizamos unha xornada moi especial para descubrir o mundo dos animais polinizadores, eses pequenos grandes heroes que fan posible que moitas das plantas que coñecemos dean froitos, sementes… e vida!

Contamos coa colaboración de Patricia Reboreda, técnica de medio ambiente do Concello de Ames, que fixo posible esta actividade tan chula. E tivemos a sorte de aprender da man de dúas expertas que xa forman parte da nosa tropa científica: Belén e Elsa, que nos contaron cousas sorprendentes sobre os polinizadores 🌼🧐.

🔍 Sabías que non só as abellas polinizan? Pois si! Tamén o fan as bolboretas, os escarabellos, as xoaniñas, e incluso as polillas esfinxe colibrís! Cada insecto ten unha forma diferente de visitar as flores e levar o pole dunha planta a outra. Dependendo de como o fagan, o seu corpo está adaptado dunha maneira especial: observamos coas lupas as súas patas, as bocas… foi coma estar nun laboratorio natural! 🧪🔬

As flores tamén fan o seu traballo: empregan aromas intensos, cores rechamantes, néctar doce e pole pegadiño para atraer aos seus visitantes favoritos. Aprendemos que sen polinizadores moitos cultivos non existirían e que a súa presenza é un indicador da saúde do medio ambiente. Se hai moitos polinizadores, é boa sinal! Pero se desaparecen… algo está a ir mal: pode haber contaminación, uso excesivo de pesticidas ou desertización do solo 😟

🎨🌸 Na actividade tamén fixemos observacións das diferentes morfoloxías das flores e comprobamos como encaixaban co tipo de insecto que as visitaba. É coma un crebacabezas perfecto da natureza!

 E que dicir da horta ecolóxica de Elsa e Belén? Un espazo cheo de cores, cheiros e vida, ideal para atraer polinizadores. Encantounos  que nos contaran a súa experiencia e xa soñamos con ir alí o vindeiro curso para seguir aprendendo e coidando o medio ambiente.

Foi unha experiencia xenial para despedir o curso con ciencia, natureza e moita ilusión! 🌍💫

👉 Clica na imaxe e desfruta co vídeo desta xornada tan especial coa rapazada de 5º! 📸🎬