COIDAMOS AS NOSAS PRAIAS, 5º PRIMARIA

 

Limpeza da Praia de Broña: Pequenos Xestos para un Gran Cambio

A contaminación mariña é un dos grandes desafíos ambientais do noso tempo, e as nosas costas non son unha excepción. A praia de Broña, na ría de Noia, é un espazo natural de gran beleza, pero tamén sofre as consecuencias da acumulación de lixo, especialmente plásticos, que ameazan a vida mariña e o equilibrio do ecosistema.

Co obxectivo de concienciar ao noso alumnado sobre a importancia de coidar o medio ambiente, organizamos unha xornada de limpeza da praia en colaboración co CEIGA. A través desta actividade, os nenos e nenas aprenden de primeira man o impacto dos residuos no mar e descobren como pequenos xestos, como reducir o uso do plástico e reciclar correctamente, poden marcar a diferenza.

Compartimos a nosa experiencia, reflexións do alumnado e imaxes desta iniciativa, coa esperanza de inspirar a máis persoas a sumarse á loita contra a contaminación mariña. Porque coidar o planeta é responsabilidade de todos.

Preme no vídeo: 

💙🌊 Xuntos, facemos a diferenza!

INNOVA AMES: 5º INFANTIL

O noso alumnado de 5º de Infantil embarcouse nunha emocionante aventura a través do proxecto "O Mundo Submarino", co que participaron no concurso INNOVAMES de proxectos educativos. O seu esforzo e creatividade foron recoñecidos cun fantástico 3º premio, un logro que nos enche de orgullo! 🏆✨

Este proxecto naceu coa misión de transmitir aos máis pequenos a importancia de coidar os océanos, os mares e os recursos mariños, fomentando ao mesmo tempo unha actitude sostible fronte á contaminación. A través de experiencias prácticas e creativas, os nenos e nenas aprenderon a protexer o medio ambiente dun xeito innovador e divertido.

Durante esta xornada especial, o alumnado tivo a oportunidade de explorar diversas propostas tecnolóxicas relacionadas co coidado do planeta. Ademais, levaron a cabo unha actividade moi especial: a plantación de sementes (papoulas, liño, sésamo...) nun sustrato único feito de terra e fariña. A ilusión con que sementaron estas pequenas vidas reflectiu o seu compromiso co medio natural.

👉 Preme no vídeo para descubrir como desfrutaron desta marabillosa experiencia! 🌱💙

 

A VIAXE DUN XORNAL: 5º INFANTIL

 A rapazada de 5º de INFANTIL  participou nuhna divertida actividade de reciclaxe durante a Semana da Prensa. Desfrutou xogando co papel do xornal. Tamén embarcáronse na construción de barcos, plegando e moldeando as follas do xornal. 

Con creatividade e imaxinación comezaronA VIAXE DUN XORNAL dende as súas páxinas ata a súa transformación en algo novo, surcando os mares. 

A través desta actividade, tomaron conciencia da importancia de reutilizar os materiais e coidar o medio ambiente. Así mesmo, desfrutaron dunha experiencia lúdica e educativa. Todo un gran paso cara a concienciación ecológica dende que son pequenos e pequenas!

Clica no vídeo e desfruta da viaxe dun xornal coa rapazada de 5º de Infantil

ALOUMIÑOS :6º B INFANTIL

 A cativada de 6ºB de Infantil ao longo do que vai de curso estiveron gardando o papel de aluminio das merendas. Con estes desplegaron toda a súa creatividade transformando o papel de aluminio das súas merendas en coloridos peixes. Desplegaron a súa creatividade transformando o papel de aluminio das súas merendas en coloridos peixes, ALOUMIÑOS.

Cun enfoque na reciclaxe deron vida a pequenas obras de arte mariñas. Cada peixe, único e brillante, reflectiu a imaxinación dos pequenos artistas mentras aprendían a importancia de reutilizar e coidar o medio ambiente. Un proxecto cheo de diversión e conciencia ecológica!

Clica na imaxe e desfruta dos coloridos ALOUMIÑOS!!!

EXPERIMENTO DE 5º B: FUNCIONAMENTO DUN GEYSER

 En Proxecto Competencial, Julieta, Saínza, Álvaro e Breixo, alumnos de 5ºB, levaron a cabo un experimento baseado no funcionamento dun géyser. 

Para levalo a cabo utilizaron vinagre e bicarbonato. Con estes materiais lograron xerar unha reacción química que libera dióxido de carbono (CO2) e crear unha escuma, simulando así a forza e o efecto dun géyser real. 

A continuación, presentamos fotos e vídeo deste experimento, no que se puido observar de xeito práctico como a mestura de ambos compoñentes xera a mesma reacción que ocorre na natureza nos géysers. 

Este proxecto foi un traballo educativo e divertido que permite comprender mellor os fenómenos naturais!

Preme no vídeo para ver o efecto do géyser de 5ºB de Primaria.

O MAR NUNHA BOTELLA

 Vivimos no “Planeta Azul”, onde o 75% da súa superficie é auga, pero desgraciadamente a calidade da auga dos nosos mares e océanos é cada día peor. Polo que debemos tomar conciencia da importancia do coidado dos mares e océanos.

É importante desenvolver a conciencia desde que son moi pequenos, pois dos océanos e dos mares depende:

• a biodiversidade mariña
• o suministro de alimentos
• a regulación climática
• o disfrute e o turismo
• o equilibrio global do planeta

A perseveración dos nosos mares e océanos é unha responsabilidade compartida que non podemos ignorar. Cada acción que levamos a cabo conta. Coidar dos nosos mares é coidar de nós mesmos!

A cativada de 5º de Infantil, despois de visionar o vídeo “La importancia de cuidar nuestros mares y océanos”, puxeron mans á obra e realizaron a munualidade “O mar nuha botella”.

Así pois, cada vez que esta cativada teña “O mar nuha botella” poderá recordar que nas súas mans teñen un fermoso anaquiño de mar e que, ademais é importante conservar limpas as súas augas se queren seguir desfrutando de felices momentos da súa vida coa familia e as súas amizades.

Preme no seguinte vídeo e desfruta coa cativada de 5º de Infantil.

HOMENAXE A ROSALÍA DE CASTRO

O 24 de febreiro o alumnado do Agro celebrou o día de Rosalía de Castro, foi unha escritora e figura fundamental do renacemento literario galego. Para esta ocasión realizouse varias actividades, e dende o Programa de Voz Natura quixemos poñer o noso gran de area. 

Así pois, a rapazada de 1º de  Primaria plantou  pensamentos, os cales eran  unha  das flores favoritas da escritora galega.

Agardamos que desfrutedes visionando o vídeo.