OBRADOIRO: FROITOS DO OUTONO, 5º INFANTIL

 

🍂 Ata logo, outono! Un obradoiro cheo de cores, risas e descubrimentos 🍁

Aínda que o outono xa vai dicindo adeus 👋🍂 e estes últimos días veu cargado de chuvia e vento (como manda a tradición galega 😅🌧️💨), o alumnado de 5º de Infantil non perdeu as ganas de gozalo ao máximo.

Esta semana tivemos a sorte de contar de novo coa axente medioambiental do Concello de Ames, Patricia Reboreda, que organizou —como sempre con moito agarimo— os obradoiros “Froitos do outono”. A idea orixinal era explorar o bosque que hai preto da Aula da Natureza, na Ameixenda 🌲, pero o tempo dixo que non… Así que o outono veu visitar a Aula da Natureza! E non sabedes o ben que lle sentou 🍁

Fixemos dous grupos moi apañados:
👀 Mentras uns dedicáronse a observar e coñecer de preto diferentes froitos da estación (laranxas, castañas, landras, granadas…).
🎨 Os outros puxéronse mans á obra e elaboraron fermosísimas manualidades con estes mesmos tesouros do outono.

O resultado? Unha mañá chea de aprendizaxes, sorpresa, creatividade e moita diversión 🌰🍊🍂💛

Pero dende que comezou o outono, a cativada de 5º de Infantil, estivo explorando a nosa contorna🌲, tamén trouxeron froitos típicos desta época como é o millo, as noces, as avelás...🌰🍊 e mesmo contruiron unha árbore con cortizas e troncos.

👉 Bótadelle un ollo ao vídeo! Descubriredes o ben que o pasou a cativada e algunhas outras das actividades que fixemos no colexio durante este outono tan especial. 🎥✨

FALADOIRO 2ºA: PLANETA XELATINA

 

🚀✨ A aventura espacial de 2ºA: rumbo ao Planeta Xelatina! 🪐

Esta semana tivemos unha visita moi especial na clase de 2ºA: a nai de Miguel veu para contarnos o conto Planeta Gelatina 📖💫, unha historia chea de imaxinación na que o protagonista —oh, sorpresa!— tamén se chama Miguel… ¡igual co noso compañeiro! 😄

No conto, Miguel viaxa polo espazo nun foguete superpotente 🚀 na procura do misterioso Planeta Xelatina, un lugar cheíño de sorpresas… e de xelatina por todas partes! 🍮🪐

Pero aí non rematou a aventura. A nai de Miguel trouxo tamén todo o necesario para facer un experimento divertidísimo 🔬🤩: construír o noso propio foguete voador, igualiño ao da historia. E, claro… ¡non perdemos a oportunidade!

Pasámolo xenial construíndo o foguete, decorándoo 🎨✨ e, sobre todo, vendo como saía disparado cara ao ceo da clase 🚀💨. Risas, emoción e algún “oooh!” tamén 😉

Se queredes ver o momentazo en acción, botádelle un ollo ao vídeo 🎥👀. Non hai dúbida: os rapaces e rapazas de 2ºA son auténticos exploradores espaciais! 🌌🧑‍🚀👧‍🚀

OS AGRONAUTAS ORBITANDO EN VERDE: UNHA VIAXE POLO ESPACIO

 

🌌🚀 Semana da Ciencia no Agro: viaxando ata a orixe do Universo! 💫

Durante a nosa Semana da Ciencia no Agro, tivemos a sorte de contar coa colaboración de Patricia, axente medioambiental do Concello de Ames, e do seu fantástico equipo 👩‍🔬💚.

Chegaron con moita enerxía e curiosidade para facernos viaxar polo tempo e polo espazo, e axudarnos a descubrir como comezou todo: o Universo! 🌍✨

Foron unhas actividades moi lúdicas, nas que a rapazada puido “ver” o universo, imaxinalo e comprendelo a través de exemplos sinxelos e moi visuais. Por exemplo, para entender os millóns de anos que ten o Universo, fixemos esta metáfora:
🏖️ imaxinamos que fomos á praia, collemos un cubo de area, baleirámolo e logo colocamos cada grao… 👉 cada grao de area representaba un millón de anos! 😱

Ao principio, todo o Universo estaba xunto, concentrado nun pequeno punto… e de súpeto 💥 EXTOUPOU! Así comezou o Big Bang, teoría formulada por Einstein, que explica que o espazo comezou a expandirse e segue en continuo movemento. 🌌💫

O alumnado investigou que pasou despois do Big Bang: como o Universo se foi separando, formándose as galaxias, os planetas, as estrelas… dentro do noso sistema solar ☀️🌍.

🪐 O Universo, descubrimos, é infinito… porque aínda non sabemos onde remata! 😮
E sobre o seu futuro, existen dúas grandes teorías:
🔭 unha di que sempre seguirá expandíndose,
💥 e outra, chamada Big Crunch, sostén que algún día o Universo volverá comprimirse.

🧠 As estacións científicas do noso obradoiro

Para comprender mellor todas estas ideas, organizáronse varias mesas de traballo, e os grupos ían rotando entre elas, converténdose en auténticos astrónomos por un día 🌟🔬:

🪐 Mesa 1: A expansión do Universo, observando como o espazo segue crecendo sen parar (con exemplos e globos 🎈).
🌠 Mesa 2: A creación das galaxias despois da explosión inicial —todo estaba desordenado, pero pouco a pouco formáronse estrelas e planetas.
🌕 Mesa 3: As fases da Lúa, experimentando cunha linterna e esferas para ver como cambia a súa forma segundo a luz.
🌍 Mesa 4: As capas da Terra e a evolución dos continentes, imaxinando que cortamos o planeta pola metade 🔪 para ver o seu interior.
🌋 Mesa 5: Os continentes , onde aprendemos que o movemento das placas tectónicas se moven como barcos sobre o magma, moi lentamente… 🧭 os continentes se moven lentamente coma unha mesa con rodas que tarda millóns de anos en desprazarse!

📸 Non perdades as fotos e vídeos da actividade!
Veredes o ben que o pasamos aprendendo, experimentando… e deixando que o Universo nos conte a súa historia. 🌌✨

💡 Creatividade + Ciencia + Reciclaxe = Un proxecto 10!

 

🧠 A ciencia tamén entra pola boca! O sistema dixestivo en 6ºC

Este trimestre, o alumnado de 6ºC de Primaria puxo as mans —e tamén a imaxinación— en marcha para investigar o sistema dixestivo 🧐.

Despois de aprender como funciona esta incrible “fábrica” do noso corpo, na que os alimentos se transforman en enerxía, decidiron recrear o sistema dixestivo con materiais de refugallo ♻️. Si, si, lixeiramente noxento… pero tamén moi divertido! 😄

En equipos, foron recollendo todo tipo de obxectos:
🧃 botes de plástico,
🎨 cápsulas de café,
🧵 cordeis,
📦 caixas de panos,
🧴 tubos de pasta de dentes…
e moito máis!

Con todo isto deron vida a bocas con caixas, glándulas salivares con cápsulas de café, esófagos feitos con tubos, estómagos de botellas e intestinos cheos de cordel. O resultado foi… ¡espectacular e moi creativo! 🌟

Mentres montaban as súas obras científicas, tamén aprenderon que o sistema dixestivo empeza na boca, onde os dentes e a saliva inician a “gran festa” da dixestión; que o estómago remexe todo con zume gástrico (¡blup, blup! 🤢) e que, máis tarde, o intestino absorbe os nutrientes para darnos enerxía e forza 💪.

Con esta actividade, ademais de entender mellor o funcionamento do corpo humano, o alumnado de 6ºC desenvolveu a creatividade, o traballo en equipo e sobre todo a conciencia ecolóxica, dándolle unha segunda vida aos refugallos. 🌍💚

👉 Animádevos a ver o vídeo que prepararon: nel poderedes desfrutar, rir e aprender coas creacións tan orixinais da nosa rapazada de 6ºC.

Porque… ¡na escola tamén se aprende dixerindo coñecementos! 😋📚

💡 “Creatividade + Ciencia + Reciclaxe = Un proxecto 10!

CON AUGAS DE GALICIA APRENDEMOS A PREVIR INUNDACIÓNS, 6º PRIMARIA

 💧🌿 Cando a auga se desborda: aprendemos a previr inundacións con Augas de Galicia

💬 A ciencia fixo das súas! A rapazada de 6º aprendeu con Augas de Galicia como previr inundacións e coidar o medio que nos rodea. 🌍💪

💬 O alumnado de 6º mergullouse no fascinante mundo da prevención das inundacións da man de Augas de Galicia, aprendendo entre vídeos, experimentos e moita ciencia divertida! 🌊🧪

O pasado luns 20 de outubro, o alumnado de 6º de Primaria tivo a sorte de participar nuns obradoiros sobre a prevención de inundacións, organizados por 💦 Augas de Galicia. A actividade foi moi interesante e chea de aprendizaxes pasadas por auga 😄.

A través de 📽️ vídeos e 🖼️ imaxes reais, a rapazada descubriu que é unha inundación, como se produce e cales son as súas consecuencias no medio ambiente 🌍 e nas persoas 👨‍👩‍👧‍👦. Ademais, puideron ver exemplos de inundacións recentes en distintas zonas, o que lles fixo reflexionar sobre a importancia de coidar os ríos 🌊 e o seu contorno natural 🌱.

Pero o máis divertido chegou cos 🧪 experimentos prácticos! Con axuda de voluntarios e materiais sinxelos, observaron como a vexetación das ribeiras 🌾 pode frenar a forza da auga e protexer as edificacións 🏠. Tamén practicaron como actuar en caso dunha inundación 🚨, aprendendo que a prevención é a mellor defensa fronte a estes desastres naturais.

💡 Ademais, Augas de Galicia leva a cabo ao longo do ano diferentes talleres e actividades de prevención de inundacións co obxectivo de informar sobre os riscos e concienciar sobre as medidas de actuación. Estas accións inclúen a limpeza de cauces, a elaboración de plans de emerxencia como o Plan Inungal, e a promoción de solucións baseadas na natureza, como as áreas de inundación controlada 🌾💧.

👉💬 Non perdas o vídeo da actividade! Nel poderás ver como a ciencia 🧠 e o coidado do medio ambiente 🤝 poden ir da man para construír un futuro máis seguro e sostible 💪.

AS PLANTAS INVASORAS EN GALICIA, 4º E 5º PRIMARIA

 🌿 As invasoras tamén teñen o seu aquel! 🌸

A rapazada de 4º e 5º de Primaria participou nestes días nuns obradoiros moi especiais sobre as plantas invasoras en Galicia, organizados pola asociación AMABUL dentro do programa Aula Ambiental Ulla+25. 🌱

🌱 Que é AMABUL?

A Asociación AMABUL (Asociación para a Mellora Ambiental e da Biodiversidade Ulla) é unha entidade sen ánimo de lucro que traballa para protexer e conservar o medio ambiente, promovendo o coñecemento e respecto pola biodiversidade a través de programas educativos e accións participativas.

Os obradoiros comezaron cunha visita guiada pola exposición “Wood Wide Web”, onde puideron descubrir os segredos do bosque e como as árbores se comunican entre si 🌳 (si, si, falan... á súa maneira!). Despois, a diversión continuou con xogos adaptados á súa idade, para aprender de forma lúdica e participativa por que é tan importante coñecer as plantas invasoras que temos tan preto.

E é que... 😮 moitas delas están tan presentes na nosa contorna que xa pensamos que son galegas de toda a vida! Pero non! 🌍
Algunhas das máis coñecidas son:

• 🌸 A herba da pampa (Cortaderia selloana), esa planta enorme con penachos brancos que vemos polas beiras das estradas.

• 🌿 A acacia negra (Acacia melanoxylon), que medra rapidísimo e despraza as árbores autóctonas.

• 🌺 A uña de gato (Carpobrotus edulis), moi típica nas zonas costeiras, que forma alfombras e non deixa espazo ás outras especies.

A actividade rematou por todo o alto 💥, xa que os grupos do último obradoiro tiveron a sorte de contar cunha parella maior encantadora, que compartiu con nós lembranzas de cando eran novos, contándonos que plantas había antes e para que as empregaban. 🌾 Foi unha experiencia interxeracional preciosa, chea de aprendizaxe, historias e emocións 🥰.

👉 Podedes clicar na imaxe e desfrutar co vídeo resumo da actividade.
Non vos perdades esta aventura verde! 💚

UN OUTONO XAPONÉS, 6º INFANTIL

 🍂✨ Un paseo polo outono xaponés en Framil! 🇯🇵🌳

O pasado 15 de outubro, a rapazada de 6º de Infantil viaxou (sen avión!) ata o lonxano Oriente para descubrir a cultura nipona do “Momiji” 🍁, que celebra a beleza das follas de outono.

E sabedes onde? 😍
👉 Na incrible plantación de arces que teñen Ana e Tucho en Framil (Ames), con máis dun centenar de exemplares de vintetrés variedades de arces xaponeses!

🌈 Estas árbores teñen unha maxia especial: no outono vístense de vermello, amarelo e verde, creando un arco da vella de cores que nos deixou coa boca aberta 😮

🐾 Unha visita con moito agarimo

Ana e Tucho, acompañados pola súa simpática cadeliña Luci 🐶, ensináronnos con moita paciencia este recuncho tan fermoso e deixáronnos merendar entre arces, descansar na hamaca 💤 e gozar dunha xornada chea de risas e natureza.

☀️ O sol acompañounos e fixo que o día fose aínda máis especial.

🌱 Un agasallo cheo de vida

Como se fose pouco, Ana e Tucho regaláronnos un pequeno arce a cada un e para cada unha 🌳💚
Prometemos coidalos con moito mimo para que medren tanto coma os do seu bosque.

📸 Querédelo ver?

Pois clicade na imaxe e desfrutade con nós dun pequeno anaco deste día de outono nun bosque xaponés galego 🍁🇯🇵

🧡 Grazas Ana, Tucho e Luci por facernos viaxar tan lonxe sen saír de Ames! 🌍