Esta semana, a rapazada de 2º A de Primaria viviu unha experiencia moi especial dentro da unidade didáctica na que están traballando: As plantas 🌱.
Despois de aprender na aula a teoría sobre como nacen e medran as plantas, decidimos dar un paso máis e pasar á observación directa. E que mellor maneira de facelo que plantando as nosas propias sementes! 🌼
Coas mans na terra e moita ilusión, os nenos e nenas convertéronse por un intre en auténticos pequenos xardineiros 👩🌾👨🌾. Cada quen preparou o seu maceto, colocou con coidado as sementes e regounas con moito agarimo.
O obxectivo principal desta actividade é que o alumnado poida comprender de forma visual e práctica o proceso de xerminación, observando como pouco a pouco a vida comeza a abrirse paso 🌱.
Durante esta actividade tamén aprendemos algo moi importante: as plantas necesitan certos coidados para poder medrar fortes e sans. Entre eles destacan:
💧 A importancia do rego constante, para manter a terra húmida.
☀️ A necesidade da luz solar, imprescindible para o seu crecemento.
🌿 O papel dos nutrientes do substrato, que alimentan a planta.
Para a mestra titora foi moi gratificante ver o interese, a curiosidade e a responsabilidade coa que a rapazada asumiu o coidado dos seus macetos 💚.
Agora comeza unha nova etapa: a fase de observación e rexistro 🔍. Durante as próximas semanas iremos atentos a cada pequeno cambio: os primeiros brotes, as folliñas novas e, con sorte, as flores que pronto poderán encher de cor e vida a nosa aula 🌸.
A esta rapazada agárdalles uns meses de espera, paciencia e responsabilidade, coidando as plantas que están a piques de nacer. Sen dúbida, será unha experiencia chea de aprendizaxes e emocións.
✨ Desfrutade botándolle un ollo ao vídeo, no que podemos ver á nosa cativada traballando con ilusión, respecto e moito agarimo pola natureza. 🌿💚
