O novo look do “fresero” 👀✨
Hai uns días, a rapazada de 5º C de Primaria púxose mans á obra 💪 para darlle unha nova vida ao noso querido “fresero”… pero desta vez, con sorpresa! 😏
Durante anos plantabamos "fresas" 🍓, pero claro… chegaba o verán 🌞, as vacacións 🏖️… e cando volvíamos… zas! 😱 todo seco. Así que este curso decidimos cambiar a estratexia e buscar algo máis resistente, máis autónomo e que non precisara tanta auga 💧.
E aí entran en escena as protagonistas… 🥁🥁… as crasas 🌵!
Trouxemos das casas pugas e polas de crasas, e entre todos fomos creando un pequeno xardín cheo de vida 💚. O resultado? Un “fresero” totalmente renovado, máis sostible, máis colorido e moito máis duradeiro 😍
🎥 No vídeo podedes ver o resultado final: ese pequeno xardín de crasas que crearon con tanto cariño 💕. Seguro que vos inspira para facer os vosos propios terrarios ou xardiños na casa 🏡🌿
Quen se anima? 😉