🌸🌳 Plantando futuro… e historias! 📖🍒
A cartivada de 1º, 2º, 5º e 6º de Primaria puxémonos mans á terra para celebrar o Día da Árbore… e vaia semana tan especial tivemos! 🌼💚
Adicamos varios días a encher de vida o noso cole: creamos unha zona de xardín con bloques no patio de primeiro ciclo 🌿, onde plantamos bulbos, begonias e outras plantas ornamentais 🌺. Incluso fixemos un fermoso corazón de flores entre as camelias 💖🌸 e plantamos un xazmín para que medre e trepe pola columna enchendo todo de arrecendo 🌼✨
Pero iso non foi todo… tamén plantamos unha chea de árbores froiteiras! 🍏🍋 Agora no noso patio medrarán améndoeiros, aveleiras, cerdeiras, mirabeles, nísperos, limoeiros, mandarinos, maceiras… e seguro que no futuro nos regalarán froitos deliciosos! 😍🌳
Aproveitamos tamén unha actividade moi especial que organiza o equipo de Biblioteca: os empadriñamentos lectores 📚✨. Os maiores compartiron contos cos máis pequenos e, xuntos, celebramos a chegada da primavera lendo… e plantando vida 🌷
Porque si, esas árbores que hoxe plantamos serán no futuro un lugar perfecto para ler, imaxinar e vivir mil aventuras baixo a súa sombra 💭🌳
E xa sabedes o mellor? Os maiores xa están pensando a longo prazo… preguntaban se poderán vir recoller a froita cando as árbores medren! 🍒😄
🌳📖 Medrando xuntos/as entre árbores e historias
Hoxe o noso patio encheuse de ilusión cun proxecto moi especial: plantar e coidar todas estas árbores que medrarán con nós 🌱💚
E fixémolo da man dos nosos padriños e madriñas lectoras de 5º e 6º de Primaria, creando un vínculo precioso entre natureza e lectura 🤝📚
📌 Os nosos obxectivos:
- 🌍 Coidar o medio e aprender sobre a terra, a auga e o crecemento das plantas
- 🤝 Traballar en equipo entre cursos
- 📚 Crear un recuncho natural para ler e soñar
Estamos desexando velas medrar para cumprir o noso soño: deitarnos á súa sombra e viaxar coas nosas historias favoritas 💭🌿
Grazas á rapazada de 5º e 6º de Primaria por acompañarnos nesta aventura verde! 💚
🎥 Dálle ao play e vive esta experiencia con nós! 👀🌱
Non perdas o vídeo onde se ve todo o proceso… seguro que che arrinca un sorriso! 😊📹
