Descubrindo seres fascinantes 🐛🌱
A rapazada de 2ºA de Primaria recibiu estes días unha visita moi, pero que moi especial… 😲✨
Os pais da súa compañeira Mara viñeron á aula cargados de sorpresas 🐛🐞: nada máis e nada menos que vermes de seda e insectos pau! 😍
Foi unha sesión súper interesante na que aprendemos un montón de curiosidades sobre estes pequenos seres vivos 🌿👀
🌿 O segredo dos insectos pau
Descubrimos que os bichos pau son uns auténticos mestres do camuflaxe 😎… case nin se ven!
👉 Reprodución: Non sempre precisan macho e femia para reproducirse 🤯. Este proceso chámase partenoxénese, e unha soa femia pode poñer ata 50 ovos 🥚, que tardan entre 2 e 4 meses en nacer.
👉 Alimentación: Son herbívoros 🌱 e comen follas de silveira, roseira ou hedra.
👉 Coidados: Necesitan un pequeno terrario, con terra no fondo e algún pau para gabearen 🌿. E moi importante… hai que pulverizar auga 💧 de vez en cando!
🐛 O ciclo dos vermes de seda
Aínda que xa os coñeciamos do curso pasado, foi xenial volver lembrar o seu proceso 👏
👉 Alimentación: Só comen follas de moreira 🌿 (son moi esixentes! 😄)
👉 Crecemento: Cando medran, comezan a fiar a súa seda 🧵 para facer o casulo
👉 Transformación: Dentro do casulo prodúcese a súa metamorfose 🦋
👉 Reprodución: Finalmente sae a bolboreta, que pon ovos e… comeza de novo o ciclo! 🔄
Agora tócalles á rapazada facerse cargo deles… 😏 Convertéronse en auténticos coidadores de insectos 🐛💚!
🎥 Animámosvos a ver o vídeo para descubrir esta visita tan especial e todo o que aprenderon 🎬✨
Seguro que vos vai sorprender! 😄
