🦁🔍 Unha aventura chea de descubrimentos no Museo de Historia Natural!
O pasado 26 de maio, a cativada de 5º de Infantil viviu unha xornada inesquecible visitando o Museo de Historia Natural. Desde o primeiro momento, tivemos a sensación de entrar nun lugar cheo de misterios por descubrir e de sorpresas agardando por nós! ✨🌍
A nosa aventura comezou atravesando o fermoso Parque de Vistalegre 🌳, a porta de entrada a un mundo fascinante no que aprendemos un montón de cousas sobre a natureza.
Nada máis chegar, coñecemos a Carlos, o noso guía, que nos acompañou durante toda a visita e nos contou datos realmente sorprendentes. Un dos que máis nos gustou foi descubrir que as aves son as descendentes directas dos dinosauros 🦖🐦. Agora, cada vez que vexamos un avestruz, xa sabemos o que dicir:
🗣️ "Por aí vén un descendente dos dinosauros!"
Que nome tan chulo! 😄
🦴 Biodiversidade terrestre: animais que nos deixaron coa boca aberta
Ao percorrer as salas do museo vimos animais impresionantes e tamén un esqueleto que nos sorprendeu polo moito que se parecía a nós. Ademais, atopámonos cara a cara cun león 🦁 que nos fixo imaxinar por un momento que estabamos na sabana africana.
Pero o máis especial foi que, aínda que nos museos normalmente non se pode tocar nada, nesta ocasión tivemos a oportunidade de tocar unha londra, unha curuxa e un porco espiño 🤩. Foi unha experiencia única!
🌊 Biodiversidade mariña: os segredos do océano
A visita continuou polo mundo mariño, onde descubrimos curiosidades fascinantes. Carlos contou que tivera a sorte de ver un tiburón azul 🦈 na praia da Aguieira e explicou que, lonxe do que moita xente pensa, é un animal moi bonito.
Tamén aprendemos algo moi importante: os plásticos que abandonamos na natureza acaban chegando ao mar e poden causar graves danos a moitos animais, especialmente ás tartarugas mariñas 🐢💙.
E sabedes cal foi unha das curiosidades que máis nos sorprendeu?
🐙 A sangue do polbo é azul!
Isto ocorre porque non ten hemoglobina, como os humanos, senón hemocianina, unha proteína que contén cobre. Cando entra en contacto co osíxeno... vólvese azul! Que incrible! 🤯
⛏️ Xeodiversidade: exploradores por un día
A nosa última parada levounos ao apaixonante mundo da xeodiversidade. Incluso puidemos introducirnos nunha recreación dunha mina, sentíndonos auténticos exploradores mentres descubríamos minerais e rochas de diferentes formas e cores. 💎🪨
Foi unha visita moi divertida e chea de aprendizaxes. Marchamos do museo con moitas novas curiosidades, grandes recordos e, sobre todo, con ganas de volver moi pronto! 💚🌿
🎥 Vídeo da aula de 5ºA de Infantil
Non perdades este vídeo para ver algúns dos momentos máis divertidos da visita!
🎥 Vídeo da aula de 5ºB de Infantil
Aquí podedes acompañarnos nesta aventura e descubrir todo o que aprendemos no museo.
✨ Un día cheo de natureza, descubrimentos e emocións que dificilmente esqueceremos!