A rapazada de 2º de Primaria ao longo desta semana non parou. Un día fan unha andaina pola contorna coa mestra de Educación Física, outro plantan carballos e castiñeiros e por último realizan a ruta da Andoriña organizada por Patricia Reboreda (técnico medioambiental do concello de Ames).
Si que teñen enerxía!!! Se queres ver como o pasaron ao longo desta xornada clica na imaxe.
Para maior información sobre esta ruta clica na seguinte imaxe.
No últimos anos unha actividade que desenvolvemos todos os anos, independentemente da temática do proxecto de Voz Natura é a reforestación de montes do concello de Ames con árbores autóctonas, como son o castiñeiro e o carballo.
Polo Magosto celebramos estas datas comendo castañas, pero ademais o alumnado sementa castañas e landras co obxecto de colaborar na conservación dos montes da contorna con especies autóctonas.
Despois de sementar a rapazada espera vixiante a que xerminen as sementes e co paso dos días coidan as novas plantas ata que se converten nunhas árbores que podemos transplantar. Neste momento, en coordinación e colaboración de Patricia Reboreda, técnica medioambiental do cencello de Ames, organizamos unha xornada na que un grupo (en representación do alumnado do colexio do Agro) planta os castiñeiros e carballos.
O pasado 6 de xuño a rapazada de 2º de Primaria foron á carballeira O AGOCHO DOS TRASNOS, en Ventín, a plantar.
Clica na imaxe para ver como traballaron esta rapazada!!
Despois de recibir a visita de Pablo Carpintero, a rapazada decidiu contruir instrumentos musicais con materiais de refugallo e materiais naturais. Unha vez que remataron a súa elaboración quixeron compartir o seu traballo realizando unha exposición.
A verdade, é que é sorprendente a imaxinación e creatividade que esconden esta rapazada nas súas cabeciñas.
Como se di, ver para crer...Bótalle un ollo ao vídeo clicando no vídeo.
A rapazada de 4º de Primaria realizou unha interesante xornada de aprendizaxe á praia areosa da Aguieira, en colaboración da consellería de medioambiente do concello de Ames. Así, da man de Patricia Reboreda, técnico medioambiental do concello de Ames, levouse a cabo unha xornada de aprendizaxe da flora e fauna dos nosos areais.
Ao longo deste día exploraron as dunas que forman a praia da Aguieira e puideron observar algas, cunchas de bivalvos (ostras, ameixas, vieira...), un ollomol, un ovo de raia..
O alumnado de 4º quere compartir parte do que aprenderon ao longo desta xornada tan interesante. Clica na imaxe.
O proxecto deste curso foi A FLORA E FAUNA AUTÓCTONA, por esta razón decidimos realizar durante todo o curso unha exposición con plantas e animais de Galicia. Esta era itinerante porque cada semana a íamos rotando seguindo o sentido das agullas do reloxo tendo en conta as catro entradas (a porta principal, as aulas novas, a pasarela e as mariolas. Desta maneira todo o alumndado podía descubrir cada semana unha especie diferente (de plantas e de animais)
Cada aula buscou un animal e unha planta de Galicia e aprenderon a distiguir a flora e fauna autóctonas das especies foráneas, sorprendéndose en algúns casos porque están acostumados a velas na súa contorna e pensaban que eran especies autóctonas.
Ao longo de todo o curso expuxemos algunhas especies de plantas de uso tradicional como a ruda, a menta... ou arbustos como o toxo, a xesta, as silvas... tamén ábores como o teixo, o castiñeiro, a aveleira, o carballo...
E tamén animais como o raposo, o esquío, a bubela, o moucho, a donicela...
Con estes carteis fixemos un mural para que a rapazada poda recordar todas as especies que descubrimos con esta actividade.
Clica na imaxe e desfrutarás da exposición de Flora e Fauna do Agro.
Un dos obxectivos desta actividade é que o alumnado se decate que estamos rodeados de materiais de refugallo, pero que podemos facer para contribuir a reducir o consumo? e que podemos facer para darlle unha segunda vida ao materil de refugallo ? Atoparon unha resposta aesta pregunta coa axuda dos especialistas de Música e vola contan a continuación.
Coa seguinte actividade desenvolveron a súa creatividade buscando novos usos a cartóns, botes de plástico, cápsulas de café desbotables,... e tamén emplearon elementos naturais.
A cativada de Infantil, 1º e 2º de Primaria construiron unhas maracas con cápsulas de café desbotables e encheron o seu interior con arroz ou lentellas.
A rapazada de 6º de Primaria tamén realizaron diferentes instrumentais con diferentes materiais de refugallo (cartóns, botes...) e con materiais naturais. Esta idea xursiu despois de recibir a visita de Pablo Carpintero, que lles amosou como construir instrumentos musicais con elementos naturais, como facían os nosos avós.
Bótalle un ollo ao vídeo e verás interesantes instrumentos musicais.
Ao longo deste curso a rapazada do Agro visitou o AGOCHO DOS TRASNOS, que está na Carballeira de Ventín. Para recibilos está un trasno que vixía todo o seu percorrido, no que se atopan diferentes animais da fauna autóctona como son a bolboreta, a curuxa, a pintega, a donicela, a xoaniña...
Comezouse no outono coa caída das follas e continuouse ao longo do curso, segundo o permitían as condicións climatolóxicas.
Se queres descubrir o mundo máxico da carballeira O AGOCHO DOS TRASNOS, clica na imaxe.
