🌱 Da caixa de zapatos á natureza: proxecto de paisaxes en Primaria
Na aula de 2º A de Primaria estivemos a mergullarnos no apaixonante mundo das paisaxes de Galicia 🌍.
A nosa rapazada puxo mans á obra e, coa axuda das súas familias 👨👩👧👦, investigaron sobre os diferentes tipos de paisaxe que podemos atopar na nosa terra. O resultado foi espectacular! Cada neno e nena creou unha maqueta única partindo dunha simple caixa de cartón 👟.
Empregaron todo tipo de materiais: dende elementos da propia natureza 🌿 (area, pedras, paus…) ata outros máis humanizados 🏠. Así foron dando forma a montañas, costas, vilas e moitos outros recunchos que fan de Galicia un lugar tan especial.
Unha vez na clase, chegou o momento de compartir! Cada alumno e alumna realizou unha pequena exposición oral 🎤 onde explicou:
- os materiais empregados
- os elementos da súa paisaxe
- e o tipo de paisaxe que representaba
Foi unha actividade moi enriquecedora que nos axudou a afianzar os contidos traballados na área de Ciencias Sociais 📚.
E sabedes que? Convertéronse en auténticos artistas 🎨. Estamos moi orgullosos do seu traballo, da súa creatividade e da súa ilusión.
👉 Desfrutade con nós desta experiencia e descubriredes as marabillosas paisaxes que conforman Galicia.
👏 Parabéns, artistas!