💚 Pequenos xestos que cambian o mundo
O alumnado de 1º de Primaria tiña moi claro algo importante: querían repetir a experiencia de limpeza de praias que realizaran o curso pasado 🌊♻️. Despois daquela actividade, quedaron moi concienciados e conscientes da importancia de coidar o medio ambiente e as costas da nosa contorna.
Para facer realidade este desexo contamos coa colaboración do departamento de medio ambiente do Concello de Ames e coa axuda de Jose e Sergio, que acompañaron á rapazada nesta nova aventura ambiental 💚.
Nesa xornada, todos e todas chegaron á praia de A Aguieira con moitas ganas de traballar e axudar 🏖️🧤. A primeira vista parecía que a area estaba limpa, pero axiña descubriron que aínda había moito lixo agochado, especialmente preto das dunas, onde quedan atrapados restos que chegan coas mareas 🌊.
Ademais, empregaron coladores para revisar a area e atoparon pequenos residuos e lixo de pequenas dimensións🚯. Foi unha experiencia moi enriquecedora na que os cativos e cativas se puxeron mans á obra para contribuír ao coidado do planeta e do futuro de todos e todas 🌍✨.
É importante destacar a enorme conciencia ambiental desta rapazada, porque o futuro tamén depende das pequenas accións que facemos cada día 💙.
🎥 Bótalle un ollo ao vídeo para descubrir todo o traballo que realizaron e o importante que é coidar as nosas praias!
