O 23 de febreiro celebramos o Día de Rosalía de Castro no colexio Agro do Muiño, de entre todas as actividades que realizamos neste día, destacamos O XARDÍN DE ROSALÍA.
Os rapaces e rapazas de Educación Infantil plantaron no Xardín de Rosalía, unha das flores favoritas da escritora galega, o pensamento.
Agardamos que desfrutedes visionando o vídeo.
O lema do programa de Voz Natura do presente curso é FAUNA E FLORA AUTÓCTONAS, polo que a maioría das actividades que levamos a cabo no colexio do Agro están relacionadas con esta temática. Por esta razón os rapaces e rapazas de 5º de Infantil están a realizar un herbario.
Con esta actividade os nenos e nenas aprenden a recoñecer plantas da contorna, os seus usos, a maneira correcta de cortar, secar e prensar as plantas recolectadas...
Fai click na seguinte imaxe para poder desfrutar dunha breve mostra do traballo realizado por estes e estas entusiastas rapaces e rapazas ( por cuestións de dereitos de imaxe, o seguinte vídeo só é da aula de 5ºA de Infantil) .
No colexio do Agro estamos a desenvolver o programa de Voz Natura , este curso estámolo a adicar á "Flora e fauna autóctona". Polo que para esta ocasión quixemos relacionar o DÍA DA PAZ co coidado do do medioambiente e entre todos e todas fixemos unha ÁRBORE DOS DESEXOS pola PAZ MEDIOAMBIENTAL.
Ademais, cremos que os rapaces e rapazas deben ser axentes proactivos polo coidado do medio ambiente. Polo que é importante que tomen conciencia dos problemas medioambientais que os humanos estamos a causar coas nosas accións (consumo irresponsable, contaminación, vertidos químicos nos ríos e mares, microplásticos, incendios...) e busquen solucións a estes problemas.
A actividade para a celebración do Día da Paz, consiste en que cada aula, tanto de Infantil coma de Primaria, plantexa un desexo para lograr a PAZ MEDIOAMBIENTAL. Entón, cada aula escribiu a súa mensaxe en follas de castiñeiro que posteriormente colocamos na ÁRBORE DOS DESEXOS.
En fin, cos desexos escritos e outras accións que levamos a cabo ao longo de todo o curso, é que , pouco a pouco, vamos preparando o camiño para alcanzar a Paz Medioambiental.
A continuación poderedes ver todos os desexos que plantexan os rapaces e rapazas do Agro.
O tema da flora e fauna de Galicia espertou a curiosidade e a imaxinación dos rapaces e rapazas de 3º de Educación Priamaria estiveron, pois nestes meses estiveron a investigar a flora e fauna que lles rodea. Aproveitaron as clases de plástica para desenvolver a súa creatividade.
Se sodes curiosos e curiosas podedes facer click no seguinte vídeo e verás algúns dos seus traballos. Anímo!!
Os nenos e nenas de 6º de Educación Infantil B realizaron un recopilatorio de varias actividades interesantes relativas co proxecto de Voz Natura, FLORA E FAUNA AUTÓCTONA, que estamos a levar a cabo no Agro do Muiño. Entre elas destacan:
Os rapaces e rapazas de 6º de Educación Infantil B queren compartir con nós estas actividades no seguinte vídeo.
Despois do verán veñen as primeiras choivas e o vento que anuncian a chegada do outono. Pouco a pouco desde a nosa fiestra podemos observar como os campos e os montes van mudando e se preparan para o inverno. No trancorrer dos días, podemos ver unha transformación na nosa paixase; os verdes convértense en amarelos, vermellos, ocres...; o vento leva lonxe as follas que caen das árbores, deixando un manto sobre os campos... E de repente, vemos espertar coas pingas do rocío os primeiros cogomelos do outono.
Beli, experta na búsqueda destes pequenos tesouros que oculta a natureza, compartiu con nós a súa experienciae os seus coñecementos. Explicounos cales son as especies de cogomelos que podemos atopar nos montes da nosa contorna, cales son coméstibles e cales son perigosas (incluso mortais), algunha das súas curiosidades,...
Se clicades na seguinte imaxe podedes ver unha breve mostra da xornada Faladoiro: Os cogomelos no agro
Comezamos no mes de setembro un novo curso, nos primeiros días deste os nenos e nenas precisan traer o novo material escolar: lapis, cores, folios... e carpetas de plástico nas que levan debuxos, traballos, circulares...
Os nenos e nenas de 4 anos A viñeron das vacacións de verán coas pilas cargadas. Entón estiveron cabilando que podían facer para reducir o consumo de plásticos, despois dun tempo decatáronse que podían empregar os envases das patacas fritidas.
En vez de tirar estes envases ao lixo e mercar unha carpeta de plástico; os limparon, os decoraron e os empregan para levar ás súas casas os traballos, debuxos, circulares...
Desta maneira espertaron a súa creatividade e colaboran no coidado do medio ambiente.
Clica na imaxe para ver as marabillas destes rapaces e rapazas.
