O 24 de febreiro o alumnado do Agro celebrou o día de Rosalía de Castro, foi unha escritora e figura fundamental do renacemento literario galego. Para esta ocasión realizouse varias actividades, e dende o Programa de Voz Natura quixemos poñer o noso gran de area.
Así pois, a rapazada de 1º de Primaria plantou pensamentos, os cales eran unha das flores favoritas da escritora galega.
Agardamos que desfrutedes visionando o vídeo.
A rapazada de 6º de Primaria, aproveitando un dos poucos días de sol, realizaron unha ruta de sendeirismo pola ría de Noia. Nesta ruta tiveron que camiñar un total de 9,20 km.
O autobús deixounos na praia de Hornanda en Porto Son. Dende alí deron comezo a andaina. Pasaron pola praia Batuda, a praia de Telleira, mirador Punta Cabalo, praia de Boa, praia de Boa Chica, praia de Concharrao, praia de Testal, praia de Rebordiño e paseo marítimo de Noia.
Dende a Praia de Testal e a de Rebordiño entramos en Noia cruzando pola parte peatonil por riba da ponte. Xa en Noia, a rapazada aproveitou para facer unha breve parada e tomar un pequeno petisco. Despois de repoñer forzas os rapaces e rapazas continuaron co camiño e xa na praia de Testal, tiversn a sorte de atoparse cunha señora e un señor de Noia que estaban recollendo algas. Estes explicáronlle aos rapaces e rapazas que estas plantas mariñas pódense empregar como abono natural das fincas.
Ao longo deste día os e as maiores do colexio agro do Muiño desfrutaron dunha oentretida experiencia realizando un percorrido pola beira da ría de Noia.
Recibimos a visita dos papás de Iván, un neno de 5º B de Infantil. Estes realizaron un experimento sobre o peixe globo. Trouxéronnos a PUFI ( un peixe globo) e contáronnos un conto no que este era o protagonista e onde se poñía en valor a importancia de compartir.
Poidemos coñecer algunhas curiosidades deste peixe e comprobar como se inflan golpeando globos que contiñan unha mestura de bicarbonato e vinagre.
Foi moi divertido!!
Pero como o de verdade .... ese peixe podía ser tóxico, así que despois de xogar con eles lavamos ben as mans pero non os levamos á casa por precaución.
Tamén nos deron un agasallo coa inicial do noso nome que nos encantou.
Mirade, mirade:
Ao longo do mes de decembro as nenas e nenos de Educación Infantil participaron en varios experimentos, empregando obxectos representativos do Nadal.
De novo, poñemos a bata e a mirada científica: Plantexamos hipóteses (o que nos esixe pensar que cremos que vai ocorrer), comprobámolas e, finalmente, buscamos as razóns de por que o experimento resulta de tal xeito.
E así foi como camiñamos polo sendeiro da ciencia un mes máis...
Nun prato con auga colocamos unha vela e prendémola. Ao tapala cun vaso vemos que a vela se apaga e o nivel da auga do prato comeza a descender mentres dentro do vaso sube.
Por que sucede isto? A vela apágase porque o osíxeno do interior do vaso se esgota e, polo tanto, non se pode facer a reacción de combustión.
Pero... Por que a auga comeza a meterse dentro do vaso? Sen a combustión, os gases do interior da botella enfríanse rapidamente. Así, o descenso da presión fai subir a auga.
Nunha bolsa, na cal debuxamos un boneco de neve, engadimos vinagre. Xiramos a bolsa para botar na parte de arriba bicarbonato e pechámola. Posteriormente, deixamos mesturar os elementos e vemos a reacción que se produce, comprobando as nosas hipóteses: para sorpresa da maioría, o bicarbonato reacciona co vinagre producindo dióxido de carbono, o que fai inflar a bolsa ata case explotar.
Debuxamos nun papel un obxecto relacionado co Nadal, introducímolo nunha bolsa, repasamos cun rotulador permanente a silueta e introducimos a bolsa co debuxo nun vaso con auga. Observándoo desde arriba, vemos que o debuxo queda ser cor ao meterse na auga, quedando só visible a silueta. Porén, se miramos de frente, non só vemos a silueta senón tamén a cor e... o debuxo agranda!
Isto débese á refracción da luz; fenómeno polo cal a luz que se propaga en forma de onda cambia de velocidade ao pasar dun medio material a outro (do aire á auga).
PREME NA IMAXE E DESFRUTA COA RAPAZADA DE INFANTIL!!
A rapazada do Agro do Muíño tómase en serio o coidado do medio ambiente, e máis en concreto, o da vida mariña. Somos conscientes qué importante levar a cabo a regra das 3R: Reducir, Reutilizar e Reciclar.
Reutilizar é a acción que permite volver a utilizar os materiais de refugallo e darlles un uso igual ou diferente a aquel para o que foron concebidos. Desta maneira conséguese que a primeira vida útil sexa máis longa.
Afortunadamente, as sociedades cada vez imos tomando máis conciencia do impacto ambiental que o ser humano produce, e adoptamos medidas sostibles para o medio ambiente, reutilizando materiais que de outra maneira se desbotarían para satisfacer necesidades novas, reducindo a explotación de recursos e o gasto enerxético.
O noso centro vai camiñando nesta dirección e así o amosan os nenos e nenas realizando animais mariños con diverso material de refugallo, tales como cartón, botellas, caixas, botes de champú, capsulas desbotables de café, chapas, tapóns...
Con esta actividade ademais de tomar conciencia do coidado do medio ambiente tamén desenvolveron a súa imaxinación e creatividade. Preme na imaxe e MERGÚLLATE CON CONCIENCIA NO AGRO DO MUÍÑO.
O alumnado de 1º A segue a desfrutar coa ciencia e realizou un novo experimento, O SLIME. Este é unha masa viscosa, parecida a un moco e que ademais é pegañenta. Os nenos e as nenas desfrutan sentido como esta masa se lles escorre entre os dedos.
Cando a mestra lles dixo que ían facer un Slime ,todos e todas puxéronse mans na masa. Precisaron os seguintes ingradientes:
Os cativos e cativas de 1ºA ao longo do outono realizou varias actividades relativas á redución e reutilización de materiais de refugallo. Entre elas está a elaboración de trompos con materiais de refugallo.
Aínda que xa hai tempo que o celebramos o San Martiño, non queríamos esquecernos dos trompos. Un dos xogos populares por excelencia, ao que na actualidade siguen xogando os nenos e as nenas. Os rapaces e rapazas cando xogan aos trompos teñen que facelos "bailar", tafera nada sinxela.
As buxainas poden ser de diferentes materiais: madeira coa punta metálica, toda ela de metal, de papel... A rapazada para essta ocasión elaborou os trompos con folios usados e con anacos de lá.
No vídeo podemos ver como desfrutaron facendo "bailar" aos trompos de papel. Preme na imaxe se queres compartir este momento de ledicia.
